Azalpena

Euskarazko liburuak hedatu, merkaturatu eta banatzeko ekintzak 

Deskribapena eta laguntza jaso dezaketen gaiak: Euskarazko liburuak hedatu, merkaturatu eta banatzeko ekintzetarako diru laguntzak.

Hartzaileak: Egoitza sozial eta fiskala Gipuzkoako Lurralde Historikoan izanik, euskarazko liburuak editatzen eta argitaratzen diharduten argitaletxeak.

Gastu diruz lagungarriak:

• Liburuen banaketa, saltokietara helarazteko.

• Hedapen materialak, berrikuntza buletinak, webguneak eta antzekoak egitea.

• Liburuak sustatu eta hedatzeko kultura ekitaldiak antolatzea.

• Liburuen azoka, biltzar edo ekitaldietan aurkezteko behar diren jarduerak.

Aurkeztu beharreko dokumentazioa:

• Eskaera orri ofiziala, behar bezala beterik. 

• Nortasunaren egiaztagiria: nortasun agiria, dagokion erregistroan inskribatutako eraketa eskriturak, dagokion erregistroak emandako ziurtagiria eta abar.

• Identifikazio Fiskaleko Zenbakiaren fotokopia.

• Zerga betebeharrak eta Gizarte Segurantzarekikoak egunean dituela egiaztatzen duten agiriak. Eskaera orrian baimena ematen badiguzu, guk eskatuko ditugu zure izenean.

• Eskatzaileak onuradun izateko ezintasun egoerarik ez duela adierazten duen aitorpena.

• Eskatzaileak irekitako kontu korronte baten jabetasuna ziurtatzen duen agiria, diru etxe batek emana.

• Diru laguntza eskatzen den proiektuaren, programaren edo jardueraren gaineko azalpen txosten zehatza.