Azalpena
Langile autonomoentzako ezohiko laguntzak
Xedea: Laguntzak honako helburu hauek izango dituzte:
-
Produkzio-jarduerari eustea datozen sei hilabeteotan.
-
Langileak kontratatzea gutxienez sei hilabeterako
-
Birziklatzea eta lanbide-kualifikazioa eta enplegagarritasuna hobetzea, jarduera bertan behera utzi behar izan dutenen kasuan.
Onuradunak:
Produkzio-jarduerari eustea datozen sei hilabeteotan:
Laguntza eskatu aurreko 6 hilabeteetan langabezia kapitalizatu ez izana.
Besteren konturako langilerik ez izatea.
2009ko lehen hiruhilekoan fakturazioa % 35, gutxienez, murriztu izana aurreko urteko aldi berarekin alderatuta.
Aldi baterako Ezintasuna estalia izatea. Kooperatiba-sozietateetako eta lan-sozietateetako bazkide diren langile autonomoek ezin izango dituzte jaso Kapitulu honetan aurreikusitako laguntzak.
Langileak kontratatzea gutxienez sei hilabeterako:
-
Diru-laguntzaren xede diren kontratuak lanaldi osokoak edo partzialekoak izango dira, eta lanaldi partzialekoak izanez gero, aplikatu beharreko hitzarmen kolektiboan lanaldi osotzat hartutakoaren erdia, gutxienez, izan beharko du.
-
Enplegu Zerbitzu publiko batean langabe moduan erregistratutako pertsonei egin behar zaizkie kontratuak, betiere gutxienez hiru hilabeteko antzinatasuna dutela.
-
Indarreko hitzarmenean finkatutako soldatak ordainduko dira.
-
Onuradunek ez dute inor kaleratu behar izan eskaera egin aurreko 12 hilabeteetan.
-
Honako hauek ezin izango dira kontratatu: banakako enpresaburuaren ezkontidea, eta bigarren mailara arteko odolkidetasunagatiko, kidetasunagatiko edo adopzioagatiko aurreko, ondorengo eta/edo zeharkako ahaideak. Sozietate motako enpresetan, edozein bazkideren ahaideak (goian aipatutakoak) ere ezin izango dira kontratatu. Kooperatiba-sozietateetako eta lan-sozietateetako bazkide diren langile autonomoek ezin izango dituzte jaso Kapitulu honetan aurreikusitako laguntzak.
Birziklatzea eta lanbide-kualifikazioa eta enplegagarritasuna hobetzea, jarduera bertan behera utzi behar izan dutenen kasuan:
Diruz lagunduko dira honako jarduera hauek: Enplegu eta Gizarte Gaietako Sailak diruz lagundutako prestakuntza-eskaintza osotik, edo Hobetuz Fundación Vasca para la Formación profesional Continua-Langileen Prestakuntzarako Euskal Fundazioak kudeatutako prestakuntza-eskaintzatik aukeratutako prestakuntza-ibilbideetan edo prestakuntza-ekintzen sorta integratuan izena eman eta parte-hartzea, betiere enpresa-jarduera bertan behera utzi behar izan duten langile autonomoen lanbide-kualifikazioa hobetzen badute.
Dotazioa:
-
Produkzio-jarduerari eustea datozen sei hilabeteotan: Diru-laguntzaren zenbatekoa 1.125 euro izango da langile autonomo bakoitzeko.
-
Langileak kontratatzea gutxienez sei hilabeterako: Diru-laguntzaren zenbatekoa honako hau izango da: kontratatutako pertsonei dagokien eta enpresak ordaindu beharreko gizarte-segurantzaren kuotaren % 100, gehienez ere sei hilabetez. Gizarte Segurantzaren 1. kotizazio-taldean barne hartutako kontratazioak badira, laguntzak kuota horren % 50ekoak izango dira.
-
Birziklatzea eta lanbide-kualifikazioa eta enplegagarritasuna hobetzea, jarduera bertan behera utzi behar izan dutenen kasuan: Prestakuntza-prozesuan (gehienez ere sei hilabete iraungo du), onuradunek 480 euroko laguntza jasoko dute hilero.
?
?
Eskaera epea
2009-12-19-etik 2010-12-19-era
Sailak
-
Sektorea: SEKTORE GUZTIENTZAT
Xedea: Inbertsioa eta Enplegua
Eremua: Enpresa-sorrera (Autoenplegua-Mikroenpresak)