Azalpena

Ekonomia zirkularreko berrikuntzarako dirulaguntzak

Xedea: Dirulaguntza horiek EAEko industria ingurumenaren ildoan berritzeko dira. Hori izanik aplikazio-eremua, helburu hauek lortzen lagundu nahi dute:

• Ekonomia zirkularraren bidez, berotegi-efektuko gasen emisioak murriztea, ekoizpen-prozesuetako baliabideen efizientzia ere aintzakotzat hartuta.
• Lehengaien kontsumoa murriztea eta, bereziki, isur daitezen saihestea.
• Enpresa-jarduera iraunkorrak sortzea, EAEko ekonomiaren suspertze berdean lagun dezaten, baita lehiakortasuna hobetzen eta enplegu kualifikatua sortzen ere.
• Lurraldearen ingurumen-erresilientzia handitzea, merkatu globalean erreplikabilitate handia duten soluzio teknologiko berritzaileen bidez.
• Enpresen arteko lankidetzak sendotzea, Europako tresna zirkularrek dakartzaten erronkei eta aukerei hobeto erantzuteko.

Dirulaguntza-lerro:

• 1. lerroa. Ekodiseinua eta ekonomia zirkularraren erakustaldia.
• 2. lerroa. Ekoberrikuntza estrategikoa.
• 3. lerroa. ETE zirkularra.

Onuradunak: Enpresak

• 1. lerroan, Ekodiseinua eta ekonomia zirkularraren inguruko erakusketa darabilten proiektuak, eta 2. lerroan, Ekoberrikuntza estrategikoaren arloan, erakunde onuradunak enpresak (sustatzaile edo bazkide gisa) eta taldeak izan daitezke.
• 3. lerroan, ETE zirkularren arloan, erakunde onuradunek elkarteak edo taldeak izan behar dute, eta, gutxienez, honako egitura hau izan behar dute: – Proiektuaren sustatzaile gisa diharduten bitarteko eragilea, taldearen ordezkaritza eta koordinazioa beren gain hartzen dutenak, eta proiektuak aurrera egin dezan, Euskal Autonomia Erkidegoko administrazioarekiko beharrezkoak diren harreman- eta solaskidetza-eginkizun guztiez arduratzen direnak. – Proiektuetan parte hartzen duten enpresa txiki eta ertain pribatuak. Lehentasunez eta era ez-baztertzailean, Euskal Autonomia Erkidegoko 2030eko Ekonomia Zirkularraren Estrategian identifikatu diren sektoreen balio-kateetan parte hartzen duten ETEak, bereziki, garraioaren sektorekoak (automobilgintza, trenbidea, aeronautika, ontzigintza); ekipo osagarriak, makineria eta makina-erreminta; elektriko-elektronikoa; metalgintza; kimika; eraikuntza; elikagaigintza; birziklapena eta ingurumenaren lehengoratzea, bai eta bilgarrien diseinua eta fabrikazioa ere. Enpresa handiek enpresa laguntzaile gisa parte hartu ahal izango dute, baina horien banakako kostuak ez dira finantzatuko