Azalpena

Gipuzkoako industria-enpresetan berrikuntza teknologikoa bultzatzeko BerriTEK+» dirulaguntza programa: Prozesua

Xedea: Laguntza-lerro hau bideratuta dago garapen fase aurreratuan dauden baina oraindik testuinguru operatibo, produktibo edo komertzialetan ezarrita ez dauden soluzio teknologikoak dituzten proiektuetara.

Ekintzak:

• A mota: Prozesu industrialetan teknologia aurreratuen ezarpena eta baliozkotzea, garapen teknologikoaren azken faseetan dauden eta jarduera errealean modu eraginkorrean integratu nahi diren proiektuak. Diruz lagunduko dira barneko langileen gastuak, kostu instrumentalak eta materialak, patenteen kostuak eta azpikontratazioak. Ez dira diruz lagunduko proiektuen bigarren faseak, produktu edo zerbitzuen bertsio hobetuak, produktu edo prozesuen kalitatea hobetzeko ohiko ahaleginak, ekoizpen-jardueraren plangintza, bidaia eta mantenu gastuak.
• B mota: Bide eta ibilbide-orri teknologikoak diagnostikatzeko, aztertzeko eta definitzeko zerbitzuak, produktuan edo prozesuan berrikuntza-aukerak identifikatzeko. Azpikontratazioak diruz lagunduko dira.

Erakunde bakoitzak proiektu bakarra aurkeztu ahal izango du, jarduketa mota bakoitzeko.

Onuradunak:

• A mota: Jarduera Gipuzkoan garatzen duten enpresak
• B mota: Gipuzkoan diharduten ETEak Enpresaren jarduera nagusiaren jarduera ekonomikoen gaineko zergaren (JEZ) altako epigrafe onargarriak: JEZ.