Azalpena

«Enpresak Berritzen: Ekonomia Berdea» programako dirulaguntzak

Xedea: Gipuzkoako enpresen lehiakortasuna hobetzen laguntzen duten inbertsioei laguntzea, ekonomia berdearen irizpideen arabera. Programak bereziki lagundu nahi die egungo ekipamenduaren ordez ekonomia berdearen irizpideen araberako eraginkortasuna hobetuko duen beste bat inbertitzea erabakitzen duten enpresei.

Diruz lagundu daitezkeen gastuak: Egungo ekipamendua efizientzia handiagoko beste batekin ordezteko inbertsio-proiektuak diruz lagunduko dira, ekonomia berdearen irizpideen arabera. Ez dira diruz lagunduko, besteak beste: • Finantza-errentamenduan erostea. • Ekipamendua egokitzea edo ordezkatzea, indarrean dagoen ingurumen-araudiari egokitzeko. • Erremintak eta material suntsikorra. • Ibilgailuak, barne-erabilerakoak izan ezik (orga jasotzaileak, esaterako). • Eraikinak eraberritzea, isolamendua hobetzea edo energia-ziurtapena. • Gipuzkoako Lurralde Historikoko zentro batean aplikatzen ez diren proiektuak. Nahitaezkoa da ordezkatutako ekipoak balio-bizitza amaitu duela egiaztatzea, berrerabili ezin izateko moduan.

Finantziazioa eta laguntzaren zenbatekoa:

• Guztizko finantzaketa: 2025eko deialdirako baimendutako guztizko zenbatekoa 1.500.000,00 eurokoa da. • Modalitatea: Laguntzak itzuli beharrik gabeko dirulaguntzen bidez bideratuko dira. • Laguntzaren intentsitatea: Diruz lagundu daitezkeen proiektuaren kostuen % 50 lagunduko da. • Gehieneko muga: Enpresa bakoitzeko dirulaguntzaren gehieneko zenbatekoa 40.000,00 eurokoa da. • Inbertsioaren gutxienekoa: Diruz lagundu daitekeen proiektu bakoitzeko gutxieneko inbertsioak 3.000,00 eurokoa izan behar du (BEZik gabe), eta ez dira onartuko 1.000,00 eurotik beherako zerga-oinarria duten fakturak.

Onuradunak: Gipuzkoan kokatutako ETEak, 5 langile eta 250 baino gutxiago dituztenak.