Azalpena

Nekazaritza-, elikagai-, arrantza- eta basogintza-produktuak Euskal Autonomia Erkidegotik kanpoko merkatuetan sustatzeko laguntzak (LEHIATU SUSTAPENA Programa)

Xedea: EAEren lurralde-eremuan kokatutako nekazaritza-, arrantza- eta basogintza-industriak eraldatutako eta merkaturatutako produktuak sustatzea Euskaditik kanpoko merkatuetan.

Diruz lagundu daitezkeen ekintzak:

- Erakusketari gisa parte hartzea EAEtik kanpo egiten diren eta izaera profesionala eta nazioartekoa duten azoka edo merkataritza-lehiaketetan, merkataritza-jarduerak garatzeko produktuak banakako edo partekatutako standak instalatuz aurkeztuz.

- Azoketara joatea, hau da, pertsona edo enpresa eskatzaileak EAEtik kanpo egiten diren eta izaera profesionala eta nazioartekoa duten azoketara egindako bisitetara.

- Zuzeneko misioak eta produktuak Estatutik kanpoko merkatuetan aurkeztea enpresa eskatzailearen produktuak aurkezteko eta/edo dastatzeko ekintza bat da, merkataritza-harremanak areagotzeko eta produktuak kanpo-merkatu horretara esportatzeko.

- Alderantzizko misioak: atzerriko erosleak edo preskripzio-emaileak gonbidatzea enpresak beren ekoizpen-establezimenduetan bisita ditzaten, EAEn bakarrik.

- Estatutik kanpoko merkatuetako salmenta-puntuetan sustapen-jarduera puntualak eta espezifikoak egitea deialdiaren urtean zehar; hau da, produktuaren publizitatea eta dastaketa egitea, kontsumitzailearen aintzatespena lortzeko.

- Katalogoak, ikus-entzunezko materialak, web-orriak eta komunikabideetako publizitatea, enpresaren irudiari eta produktuei buruzko dibulgazio-materialak egiteko, gutxienez atzerriko hizkuntza batean.

Onuradunak:

a) Lehenengo eraldaketara arte nekazaritza-, elikagai-, arrantza- eta baso-sektoreetako pertsona fisiko edo juridiko pribatuak, egoitza Euskal Autonomia Erkidegoan eta nortasun juridiko propioa dutenak: enpresak honela sailkatuko dira: mikroenpresa, enpresa txikia, ertaina eta handia.

b) Euskal Autonomia Erkidegoko Kontseilu Arautzaileak.

c) Egoitza Euskal Autonomia Erkidegoan duten esportazio-partzuergoak. Baldintza hauek bete beharko dituzte: – Nortasun juridiko propioa izan behar dute, partzuergoa osatzen duten enpresa edo entitateekiko independentea. – Gutxienez hiru enpresak edo entitatek osatuak izatea. – Partzuergoa osatzen duten enpresen bi herenek, gutxienez, Euskal Autonomia Erkidegoko Nekazaritza eta Elikagai Industrien Erregistroan inskribatuta behar dute.