«Basque Digital Innovation Hub (BDIH) – Konexio» 2020 laguntza-programa (4.0 industriari loturiko teknologien erabilera sustatzea)

Azalpena

«Basque Digital Innovation Hub (BDIH) – Konexio» 2020 laguntza-programa

Xedea: Euskal industriari Basque Digital Innovation Hub (BDIH) eta Europako zenbait Digital Innovation Hubs (DIHs) esperimentazio- eta testatze-azpiegituren erabilerarako sarbidea, konexioa eta laguntza teknikoa emango dion zubi-plan bat aurrera eramatea.

Diruz lagun daitezkeen proiektuak: Diruz lagun daitezkeen jarduketak izango dira manufakturaren arloko enpresa industrialek bultzatutako laguntza teknikoko proiektuak eta zerbitzu teknikoak, diseinu-zerbitzuak eta logistika-zerbitzuak eskaintzen dituzten enpresenak, honako hauek ahalbidetzen dituzten industria-produktu eta –prozesuei loturikoak:

  • 4.0 teknologiak xurgatzeko gaitasuna areagotzen duen ekintza-plan bat .- gauzatzea.
  • Horien kontzeptu-proba bat egitea.

Proiektu horiek gehienez ere 2 hilabeteko epean gauzatu beharko dira, ebazpenaren berri ematen denetik aurrera zenbatzen hasita, eta honako teknologia hauek txertatzeko kontzeptu-proba bat diseinatzea izango dute xede:

  • Robotika malgua
  • Fabrikazio gehigarria
  • Zibersegurtasuna
  • Makina adimendunak eta konektatuak
  • Material aurreratuak
  • Sare elektriko digitalak
  • Gailu medikoak eta osasun digitala

Onuradunak: Industria-produktu eta –prozesuei loturiko manufakturako industria-enpresek eta zerbitzu teknikoaz, diseinuaz eta logistikaz arduratzen direnek eskuratu ahalko dituzte programa honi loturiko laguntzak, 6. artikuluan deskribatzen diren diruz lagun daitezkeen jarduketak exekutatzeko proiektuak aurkezten dituztenean betiere honako baldintza hauek betetzen badituzte:

  • Euskal Autonomia Erkidegoan jarduera industrialeko zentro bat izatea eta aurkeztutako proiektuak eragina izatea zentro horretan. Gainera, bertan gauzatu beharko da diruz lagunduko den jarduera.
  • Euskal Autonomia Erkidegoko ekonomia-jardueren gaineko zergan industriari dagokion epigrafean alta emanda egotea.
  • BDIHiko eragile bat edo gehiagoren edo DIHko eragile baten laguntza izatea proiektua gauzatzeko.

Eskaera epea

2021-07-20-etik 2021-10-15-era

Sailak

  • Sektorea: INDUSTRIA Sektorea
    Xedea: Berrikuntza eta Lankidetza
    Eremua: Proiektu Teknologiko eta Berritzaileak
Dei-egilea: EUSKO JAURLARITZA : SPRI.