Azalpena

Euskal Autonomia Erkidegoko nekazaritzako elikagaien eta zuraren balio-kateetan ikerketa, garapena eta berrikuntza sustatzeko laguntzak

Xedea: Eraginkortasuna handitzea eta lehiakortasuna hobetzea, bai eta hazkunde iraunkorrari laguntzea eta Euskal Autonomia Erkidegoko nekazaritza-, basogintza- eta arrantza-sektoreetan eta arrantzako eta akuikulturako produktuetan lankidetza sustatzea ere. Horretarako, laguntza-ildo hauek proposatu dira:

1. Elikaduraren eta zuraren balio-kateari lotutako I+G proiektuetarako laguntzak.

2. Zientzia, Teknologia eta Berrikuntzaren Euskal Sareko eragileek nekazaritzako eta basogintzako sektoreetarako ezagutza sortzeko eta ezagutza espezifikoa zabaltzeko egindako I+G proiektuetarako laguntzak.

3. Negozio-prozesuetako berrikuntza-proiektuetarako laguntzak.

4. AEI Agriko talde operatiboek berrikuntza-proiektuak gauzatzeko laguntzak.

5. Lankidetza-taldeek berrikuntza-proiektuak gauzatzeko laguntzak.

Onuradunak:

1. 1.i, iii) eta iv) lerroetako laguntzetarako, azken horretan enpresa-elkarteak salbuesten dira, eta onuradunak honako hauek izan daitezke: a) Enpresak, edozein forma juridiko dutela ere, honela sailkatuta: - Enpresa txiki eta ertaina, Batzordearen ekainaren 17ko 651/2014 (EB) Erregelamenduaren I. eranskinaren 2. artikuluan definitutako baldintzetan. - Enpresa handia izango da Batzordearen ekainaren 17ko 651/2014 (EB) Erregelamenduaren I. eranskineko 2. artikuluan ezarritako ETEen definizioan jasotzen ez den enpresa oro. b) Enpresaburuen elkarteak. c) Nortasun juridikorik gabeko pertsona fisiko edo juridiko pribatuen taldeak eta ondasun-erkidegoak. Pertsona fisiko eta/edo juridikoen elkarteentzako laguntzak taldea osatzen duten pertsona fisiko edo juridiko bati emango zaizkio. Nolanahi ere, erakunde horietan parte hartzen duten erakunde guztiak izango dira onuradun, eta guztiek bete beharko dituzte oinarri hauetan ezarritako betekizunak eta baldintzak. Bai eskabidean, bai dirulaguntza emateko ebazpenean, berariaz adierazi beharko dira elkarteko kide bakoitzak bere gain hartutako gauzatze-konpromisoak, bai kide bakoitzari aplikatu beharreko dirulaguntzaren zenbatekoa. Horiek ere onuraduntzat hartuko dira. Nolanahi ere, ordezkari edo ahaldun bakar bat izendatu beharko da, taldeari onuradun gisa dagozkion betebeharrak betetzeko ahalorde askietsiak dituena. Elkartea ezin izango da desegin Euskal Autonomia Erkidegoko Ogasun Nagusiaren eskubideak preskribatzeko legez aurreikusitako epea igaro arte. Talde horiek III. eranskineko akordioa bete beharko dute.

2. Zientzia, Teknologia eta Berrikuntzaren Euskal Sarearen osaera arautzen eta eguneratzen duen ekainaren 23ko 109/2015 Dekretuan xedatutakoaren arabera, 1.ii eta 2. lerroetako laguntzetarako, onuradunak Zientzia, Teknologia eta Berrikuntzaren Euskal Sareko agente gisa kreditatutako edozein erakunde izan ahalko da.

3. 3. lerroko laguntzetarako, onuradunak honako hauek izan daitezke: a) Enpresak, edozein forma juridiko dutela ere, honela sailkatuta: - Enpresa txiki eta ertaina, Batzordearen ekainaren 17ko 651/2014 (EB) Erregelamenduaren I. eranskinaren 2. artikuluan definitutako baldintzetan. - Enpresa handia izango da Batzordearen ekainaren 17ko 651/2014 (EB) Erregelamenduaren I. eranskineko 2. artikuluan ezarritako ETEen definizioan jasotzen ez den enpresa oro. Europako Batzordearen ekainaren 17ko 651/2014 (EB) Erregelamenduaren 29. artikuluaren 2. puntuan xedatutakoaren arabera, enpresa handientzako laguntzak bateragarriak izango dira soilik baldin eta ETEekin benetan lankidetzan aritzen badira laguntzaren xede den jardueran, eta lankidetzan aritzen diren ETEek diruz lagundu daitezkeen kostu guztien % 30 jasotzen badute, gutxienez. b) Nortasun juridikorik gabeko pertsona fisiko edo juridiko pribatuen taldeak eta ondasun-erkidegoak. Pertsona fisiko eta/edo juridikoen elkarteentzako laguntzak taldea osatzen duten pertsona fisiko edo juridiko bati emango zaizkio. Nolanahi ere, erakunde horietan parte hartzen duten erakunde guztiak izango dira onuradun, eta guztiek bete beharko dituzte oinarri hauetan ezarritako betekizunak eta baldintzak. Talde horiek III. eranskineko akordioa bete beharko dute.

4. 4. lerroko laguntzen onuradun izan daitezke nekazaritzako elikagaien eta/edo basogintzaren sektorea modernizatzeko proiektu berritzaile bat gauzatzeko eratutako talde operatiboko kide diren pertsona fisiko edo juridikoak, administrazio publikoak barne.

5. 5. lerroko laguntzen onuradun izan daitezke proiektu berritzaile bat gauzatzeko eratutako lankidetza-talde bateko kide diren pertsona fisiko edo juridikoak, administrazio publikoak barne, fokua nekazaritzako elikagaien eta/edo basogintzaren sektorearen beharretan edota nekazaritzako elikagaien eta/edo basogintzaren balio-katearekin eta ingurumen-alderdiekin eta/edo landa-ingurunearekin duten elkarreraginean dutenak.

6. 4. eta 5. lerroetako talde eragileak eta lankidetzakoak nortasun juridikorik gabeko erakundeak izan ahalko dira. Kasu horretan, taldeko onuradunetako bat izendatu beharko dute taldearen ordezkari bakartzat, taldeari dagozkion betebeharrak betetzeko ahalmen nahikoa duena. Onuradun ordezkari hori izango da laguntza-eskaera egingo duena eta laguntzaren funtsak jasoko dituena, eta erakunde bazkideen artean banatu beharko ditu, dagokionaren arabera. Alde interesdunek lankidetza-akordio bat sinatu beharko dute, eta ezarri beharreko proiektuaren memoria tekniko eta finantzario bat egingo dute. Memoria horren edukia VII. eranskinean dago jasota.

7. 4. eta 5. lerroetan aintzat hartutako laguntzak jasotzeko, talde eragileek eta lankidetzakoek ezaugarri hauek izan beharko dituzte: a) Gutxienez hiru pertsona fisiko edo juridiko onuradunek osatuta egotea, nortasun fisiko edo juridiko bereizia dutenak eta elkarren artean harreman organiko edo funtzionalik ez dutenak. b) Dinamizazio-agentearen figura nahitaez sartzea, oinarri hauetako 2. oinarrian jasotako definizioaren arabera. Dinamizazio-agente hori zerbitzuak emateko kontratatu ahal izango da. Edo onuradunetako bati egokitu ahal izango zaio, baldin eta bazkide horrek dinamizazio-eragileaz bestelako eginkizun gehigarriak baditu proiektuan. c) Ordezkari den pertsona fisiko edo juridikoak Euskal Autonomia Erkidegoan izan beharko du egoitza soziala. d) Berrikuntza-proiektuaren lurralde-eremua Euskal Autonomia Erkidegoa izango da. e) AEI Agriren talde eragileen kasuan, nahitaezkoa izango da onuradun gisa parte hartzea nekazaritzako elikagaien eta/edo zuraren balio-kateko lehen sektore produktiboko (nekazaritza, abeltzaintza, basogintza) ordezkari batek gutxienez.

8. Ikerketa-erakundeek soilik parte hartzen duten taldeen (GO eta GC) arteko lankidetza ez da babestuko.