EAEn sektore pribatuan dauden lantokietan euskararen erabilera eta presentzia areagotzea.

Deialdira bil daitezkeen jarduerak (4 multzo):

a) Lehenengo multzoa: entitatean euskara planik izan gabe euskararen erabilera edota presentzia sustatzeko jarduerak. Gehienez ere, bost urtez jaso ahal izango da dirulaguntza multzo honetan, eta, betiere, 2021eko Lanhitz deialdira arte dirulaguntzarik jaso ez bada edota hurrengo deialdietan 2., 3. edo 4. multzoan dirulaguntzarik jaso ez bada.

b) Bigarren multzoa: entitatean euskararen egoeraren diagnostikoa egin eta euskara plana diseinatzea, eta, nahi izanez gero, abian jartzea ekintza solteak eginez. Urte bakarrean lagunduko dira multzo honetako jarduerak, baldin eta 2021eko Lanhitz deialdira arte dirulaguntzarik jaso ez bada edota hurrengo deialdietan 2., 3. edo 4. multzoan dirulaguntzarik jaso ez bada.

c) Hirugarren multzoa: entitatearen euskara-plana eta urteko kudeaketa-plana oinarri izanda euskararen erabilera eta presentzia sustatzeko jarduerak. Ezin izango dira multzo honetako onuradun izan Lanhitzeko dirulaguntza 18 urtez edo gehiagotan jaso dutenak.

d) Laugarren multzoa: entitateko euskara-planak ibilbide luzea izanda, edo euskararen kudeaketan maila aurreratuan egonda, euskara planetik harantzagoko hizkuntza-proiektu estrategikoak garatzea. - Ebaluazioa jasotzen duenetik hasita beste hiru urtez jaso ahal izango da dirulaguntza, baina laugarrenean onuradun izan ahal izateko Bikain ebaluazioa jasota izan beharko du entitateak. Multzo honetan hiru urtez dirulaguntza jaso dutenek berriro ere onuradun izan ahal izateko Bikain ebaluazioa (osoa edo partziala) jaso beharko dute, laugarren aldiz dirulaguntza jaso ahal izateko. Aurrez noizbait Bikain ziurtagiria eskuratu dutenek, bi aukera dituzte: - Dirulaguntza hiru aldiz jaso eta gero, laugarrenez jaso ahal izateko, berriro jasotzea Bikain ebaluazioa. - Hiru urte horiek gehienez beste bi urtez luzatzea. Horretarako, bi urte horietan plantillako norbaitek Bikaineko prestakuntza jaso eta ebaluatzaile aritu beharko du bi urte horietan, gutxienez urte bakoitzeko ebaluazio-aldietako batean. Aurrez noizbait Bikain ebaluazioa jaso baina ziurtagiririk lortu ez dutenek: – Ebaluazioa jasotzen duenetik hasita beste hiru urtez jaso ahal izango da dirulaguntza laugarrenmultzoan, baina laugarrenean onuradun izan ahal izateko Bikain ebaluazioa jasota izanbeharko du entitateak. 

Entitateak edo pertsona eskatzaileak